O Nighean Donn Nan Gobhar letra

Ged a tha mi 'nochd 's a'chòisridh
Maille ri fleasgaichean bòsdail
'S nionagan cho rìomhach, spòrsail
Le sìoda 's le sròl a' danns'

Ó nighean donn nan gobhar
É nighean donn nan gobhar
Trom m' inntinn 'is mi nad dheoghaigh
Bòidheach, laghach, mo nighean donn

Nionagan cho rìomhach stràiceil
'S beag a chuir mi dh'ùigh 'n an àbhachd
'S mòr gu'm b'annsa leam bhi mànran
Riut, a ghràidh, air sgàth an tùim

'S mór gu'm b'annsa leam bhi 'sùgradh
Leis an nìonag chaoin-ghil, chùil-duibh
Anns an doire, goir an smùdan
Bun an stùic air ùrlar glinn

'S ann leam fhìn bu bhinne chòisridh
Anns a' mhadainn chéitein, cheòthar
Uiseagan os cionn nan lòintean
Smeòraichean air meòir 's a' choill

Siod an ceol bu bhinne chualas
Luinneag foil aig bannal ghruagach
Ag iomain a'chruidh-laoigh do'n bhuaile
Cuach a's buarach air an druim

Lasgadh mo chridhe le gràdh dhuit
'Nuair a nochdadh tu air fàireadh
'S tu cho geal ri cobhar sàile
'Tighinn gu tràigh air bhàrr na tuinn

Mary Jane Lamond - Letras

• An Gaidheal Am Measg Nan Gaidheal
• Bal Na h-Aibhne Deas
• Blàr Inbhir Lòchaidh
• Cailleach Liath Ratharsaigh
• Cumha Aoghnuis
• Gur e Mo Rùn An Dòmhnallach
• Màiri Bhàn Dhail An Eas
• Mo Nighean Donn As Bòidhche
• O Nighean Donn Nan Gobhar
• O, Tha Mise Fo Ghruaimean
• Òran Luaidh
• Tha Mo Bhreacan-sa Fo'n Dìle